في الفترة الآخيرة اصبحت اركز على جانب المنتجات الجديدة اللي تطرح في السوبرماركت و اللي غالباً تركز على جانب متبعين الحمية أو اللي يستهدفون منتجات تتكون من عناصر صحية ..جمعت هنا بعض المنتجات اللي منها تقدرون تحفظون وقت و جهد و تحضرون وجبات صحية سريعة .. و أغلبيتها تركز على وجبة الفطور كالوجبة الأهم خلال اليوم اللي على اساسها بيمشي يومك صح أو لا !
كعكة القمح الكاملة : كعكة دائرية الشكل مضغوطة بمكونات القمح الكامل و طعمها خفيف جدا
(حسيت لوهلة اني قاعدة اكل ببكورن !) و لينة القوام بشكل ! تدهنها بأي شي عندك لبنة فول سوداني مربى اي شي ، و 3 حبات منها تساوي بسعراتها شريحة توست وحدة ! خيار جيد لكن للأمانه تكرار أكلها بشكل يومي او مفرط ممكن يكرهك فيها :).
حبوب الأفطار أو dorset cereals : هي حبوب تتكون من الشوفان و مكسرات و زبيب و طبعا المنتج له أكثر من نوع تختلف فيه كمية المكسرات و الزبيب و كل نوع يركز على نوع معين من المكسرات غالبا لكن الزبيب عنصر رئيسي فيه مع الشوفان . كمية منه مع الحليب او الزبادي / وجبة افطار لذيذة و مشبعة و ممتازة لاصحاب الحمية خصوصاً كبار السن او عندهم كوليسترول و غيرها و محرومين من انواع كثيرة من الطعام .
بندق اورقانك و طبعاً توفر المكسرات الأورقانك بالأسواق مو متوفر كثير
،و اذا توفر فهي منتجاتمحددة لفترة مدري هل لأن الإقبال لشراءها قليل لتفضيل المحمص منها رغم أن اكثر من نص فائدة المكسرات يروح مع التحميص !
و نوع أخر من الشوفان الخالي من اي عنصر غيره ، ممكن اضافة المكسرات الاورقانك له اذا كنت ترغب بفائدة اكثر في الوجبة
وعموما شي كويس ان منتجات الشوفان قاعدة تكثر و تطلع انواع جديدة و باشكال مختلفة .
الفاصوليا الحمراء ..و ألوانها الثانية لكن الحمراء و البيضاء منها فوائدها حلوة و كمية البروتين فيها جيدة، خصوصا للاشخاص اللي يركزون على رياضة المقاومة و يحتاجون كمية بروتين ، تقدر تجرب الفاصوليا بدل الفول السوداني خصوصا ان الأولى الفات فيها اذا موجود فهو طبيعي مو مهدرج !
اما البوبكورن : قبل شوي جربته عبارة عن 4 ظروف اظن داخلها بوب كورن حبوب مخلوط بصوص احمر طبعا هو جبن لكن مضاف له صوص مكون من طماطم و اشياء معه ، الظرف تحطه داخل المايكرويف لمدة 3 دقايق كأقصى شي و يطلع شي جبار لكن سعراته اعلى من البوبكورن الحبوب اللي يكون بدون اي اضافات ولا حتى ملح :) ..جربته بألة البوبكورن العادية بحيث اني فرغت الظرف و حطيته بالألة و فعلا حصلت نفس النتيجة ، و تجربة ممتعة لكن لا تكثر منها !.

يعطيك العافيه حبيت المنتجات , :)
ردحذف