اهلاً
يمكن انا ماني مؤثرة على مواقع التواصل الاجتماعي
لكن شغل خلاني أكون قريبة من هذه الفئة، وخلاني أفهم بعض الاسباب والمساعي المقصودة اللي ممكن تضبط وتخلي الشخص في خانة مؤثر
باختصارها لكم بكذا نقطة، قراءتك لهذه النقاط مش معناته انه اصبحت جاهز تكون مؤثر.. الموضوع ابدا مو سهل:
١. الاستعداد النفسي والذهني: معنى مؤثر على مواقع التواصل الاجتماعي = الضغط الاجتماعي والنفسي والجسدي على مستوى ملايين الناس.. اذا كنت شخص تتضايق من كلام شخص غيران منك في الشغل او صاحبك تهاوش معك وانهرت، الشهره ميب لك،، انك تقدر تقدم نفسك واسمك وشخصيتك لملايين الناس معناته يومياً بشكل مكثف جدا جدا جدا راح تجيك ملايين الكلام الجارح والنقد اللاذع والاتهامات والتصيد والتنمر بابشع صوره الامر اللي خلا بعض الناس تنهار قدام الجماهير او توصلها لعيادات الامراض النفسية او تدكر حياتها اذا ماكانت تقدر تتحمل هالضغط، كله على شان خاطر الشهره والفلوس هل تتوقع هالموضوع سهل عليك لو كنت شخص حساس؟!
٢- مين انت؟ المحتوى اللي راح تقدمه ايش؟ اعتقد اغلى شي ممكن يراهن عليه المشهور وللاسف هذا الاسهل والمنتشر انه يقدم حياته الشخصية ويومياته واسرار بيته للناس، الامر اللي النقطة الاولى تاثر فيها بشكل شديد جداً والفاصل فيها مدى صلابة الشخص المعني بهالموضوع وهنا اقصد المؤثر هل قادر يحافظ على تماسك حياته وخصوصا دائرته المقربة او لا؟
٣- القدرة على مواجهة الجمهور بكافة انواعه وباختلاف شخصياته وتربيته وافكاره، هل مستعد تطلع من بيتكم وتقابل (عاهات بشريه) ممكن تتهجم عليه او ترمي عليك كلام او تغلط عليك او تأذيك بحجة انك شخص مشهور ولنا سلطة عليك لانك ملك لجمهورك؟!
٤- تبعات الشهرة: كثير يبدا الشهره ويعتقد انه راح يبقى على شخصيته اللي يعرفها، بداية الشهره يعني بداية انك تختلط بمجتمعات وشخصيات جديدة ماسبق عاشرتها ويمكن ماهي موجودة في بيئتك الام، وهنا الفيصل في شخصك هل راح تتماهى مع هذا المجتمع وتنسلخ عن مبادئك هل مستعد انك توقف لمبادئك ولا تندمج وهل اذا اندمجت مستعد انك تتقبل الرفض من مجتمعك وعدم تقبلك، وهل تقدر تتقبل نفسك قبل كل شي بنسخة جديدة ممكن انها كانت ترفض بعض الممارسات وصارت تسويها من باب انا شخص مختلف وانا مشهور ولازم اسوي اللي يسوونه باقي المشاهير؟
هذا اللي في بالي حالياً..
الشهره ماهي شغله سهله، ولازلت اتعجب من بعض الشخصيات اللي بنت صلابة نفسية عميقة خلتها تستمر في الساحة وتؤثر لسنوات، هذا عمل ماهو سهل ابداً واللي استمر اكيد خسر اشياء في مقابل انه يكسب اشياء كذلك..
شكراً
شكراً
ردحذف