السبت، 8 أغسطس 2015

kayle Vs Alexa - أي برنامج رياضي افضل عن تجربة ؟ (1)





بتكلم اليوم عن هبة الكتب الالكترونية اللي طايحين فيها المدربات الاجنبيات و تجربتي مع ثنتين منها .
الاولى وهي bikini body Guide للمدربة الاسترالية kayle لمدة ٣ شهور مع كتاب الوصفات او الدايت او الوجبات الخاصة فيها ، و الثانية هي alexa jean و تمارينها مقسمه على ٣ اقسام upper body- legs and butt - core abs منفصلة كل وحدة بكتاب لمدة ٣٠ يوم ، و عندها كتاب دايت .


الاول تجربتي معها متقطعة و شوي ملخبطة غير اني ما الترمت بكتاب الدايت فالنتيجة اللي حصلتها ما كانت المأمولة ، و هالشي خلاني املّ منه بشكل لكن انا متاكدة لو انتظمت صح الصح و صار فيني شوية صبر بحقق نتائج مرضية بس ايش اللي خلاني ما اكمل معاه ، يبغالك تشتغلين على نفسك مو تنتهين منه او من التدريب توقفين لا لازم تخلصين و تتفنين بالكارديو بالايام الباقية خصوصا ان البرنامج ٣ ايام بالاسبوع و باقي الايام كارديو ( جري مشي سباحة الخ) و اكيد اذا بحثتوا عنه بتلقون نتايج بعض الاشخاص و خاصة انهم كانوا ملتزمين صح شي روعة ( اعترف ان اللغة كانت عائق لي في البداية) المهم ناوية ارجع له لكن قبل راح اسوي تحاليل لاني احس جسمي ما يتحمل المجهود الرياضي و اتعب بسرعة ما احس اني سعيدة بعد التدريب احس جسمي مهدوود نفسيا و جسدياً ، غير تخبيصي بالدايت اكيد له دور سواءً قلة الكميات او سوء اختيار الوجبات و السناكز .
ناوية ابدا بالبرنامج الثاني اليومي لانه لمدة شهر و شريت المجموعة كاملة الثلاث كتب كلها و راح اجمع بينها ، و بنفس الوقت هي تهيئة للبرنامج الاول لاني حاطة امل كبير فيه خصوصا بعد ما شفت نتايج الناس شي يخليك تتحمس مررة.
طبعاً كل البرامج هذي شريتها بالڤيزا كارد.

ليست هناك تعليقات:

إرسال تعليق

اتمنى أن ما كُتب أعلاه نال على استحسانك ، سعيدة بتواجدك :)